واقعة خطيرة كتطرح علامات استفهام كبيرة بسيدي بنور. شاب كان كيبيع ويشري، قبل ما يهجم عليه شخص بالسيف قدّام الناس، ويستمر فالاعتداء عليه بعنف، لولا تدخل المواطنين.
المشهد كامل وثقاتو كاميرا ديال واحد المحل، والإسعاف نقل الضحية للمستشفى، لكن حسب الرواية المتداولة، المعتدي لحق به حتى للمستشفى.
وهنا تدخلات عائلة الضحية، شدّات المعتدي وسلماتو لرجال الأمن.
الضحية تسيفط من بعد للدار البيضاء، ودخل للإنعاش بسبب خطورة حالتو، وخرج وهو كيعاني من عاهة مستديمة، حسب المعطيات المتوفرة.
لكن الصدمة الكبيرة كانت من بعد: منين رجع الضحية، تفاجأ بأن الشخص اللي اعتدى عليه بالسيف وتسلماتو العائلة للشرطة، طالق وكيدور عادي!
وهنا السؤال اللي خاصو جواب واضح: علاش طلقوه؟ شنو وقع فالملف؟ وفين هي المسؤولية الأمنية؟
إلى كان المواطن غادي يحمي راسو وعائلتو، ويشد المعتدي ويسلمو للأمن، ومن بعد يلقى المعتدي طالق، فالسؤال مشروع: واش هادي هي 'العين لذي لا تنام'؟ وواش هاد الملف وصل للحموشي